Minisiteri y’Ubuzima yatangaje ko abantu bane basanganywe Coronavirus mu bipimo 1873 byafashwe mu gihe 16 bayikize basezererwa mu bitaro.

Mu barwayi bashya basanzwemo ubwandu bwa COVID-19 iterwa n’agakoko gashya ka Coronavirus kuri uyu wa 2 Ukwakira 2020, barimo ab’i Kigali:1, Kayonza:1, Kirehe:1 na Nyamagabe:1.

Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020 bamaze kuba 4847 barimo 3197 bakize. Abakiri kwitabwaho ni 1621 mu gihe 29 bitabye Imana.

Abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Inkuru yanditswe na Venuste Habineza