Abantu babarirwa mu magana kuri iki cyumweru tariki 16 Kanama 2020 bakoze imyigaragambyo I Madrid ho mu gihugu cya Espanye, bamagana ikoreshwa ry’agapfukamunwa n’andi mategeko n’amabwiriza byashyizweho na Leta mu kwirinda ikwirakwizwa rya Coronavirus.

Aba baturage ba Espanye bagiye mu myigaragambyo, baririmba bavuga ko icyorezo cya Coronavirus kitabaho, ko imibare itangazwa ari ibinyoma, itabaho, ko udupfukamunwa twica aho gukiza.

Imyigaragambyo yakozwe, yitabiriwe b’ingeri z’abantu zitandukanye barimo n’abarwanya urukingo rwa Covid-19. Kwambara agapfukamunwa byatangiye kugirwa itegekomu ntangiriro z’ukwezi kwa Gatanu uyu mwaka wa 2020, ku bagenda mu modoka zitwara abantu benshi. Nyuma bigirwa itegeko mu gihugu hose.

Iyi myigaragambyoibaye nkuko ijwi rya amerika ribitangaza, ije nyuma y’iminsi ibiri Leta itangaje ingamba nshya zirimo n’ifungwa ry’utubari. Abantu barenga 342 800 ni bo bamaze kwandura COVID-19 muri Espanye naho abarenga 28 600 bamaze gupfa bazira iki cyorezo.

Munyaneza Theogene / intyoza.com