Mu ifoto, irimo kunyuzwa ku mbuga nkoranyambaga zitandukanye, igagaragaza Perezida Paul Kagame asuhuzanya mu ndamukanyo idasanzwe yo kwirinda indwara ya Corona Virus. Ni kuri uyu wa Gatatu tariki 11 Werurwe 2020 mu masaha ya mbere ya saa sita, mu Karere ka Kirehe, Umurenge wa Nasho.

Nkuko bigaragara ku rubuga rwa Twitter rw’ibiro by’Umukuru w’Igihigu cy’u Rwanda( Urugwiro), Perezida Kagame yagiye mu karere ka Kirehe i Nasho ari kumwe n’umushoramari witwa Howard G. Buffet, aho bagiye gutaha ku mugaragaro umushinga wo kuhira imyaka hakoreshejwe uburyo bw’Ikoranabuhanga, hifashishijwe imashini n’ingufu zituruka ku zuba zivana amazi mu kiyaga( Nasho Solar-Powered irrigation project).

Iyi ndamukanyo idasanzwe ya Perezida Kagame, aho bigaragara ko atatanze ikiganza ahubwo hakoreshejwe inkokora, ni bumwe mu buryo bwo gukumira no kwirinda indwara ya Corona Virus-Covid-19. Iyi ndamukanyo kandi kimwe n’indi yo gukozanyaho ibirenge, biravugwa na benshi ko ari zo zagakwiye mu kwirinda iyi ndwara aho guhoberana no guhana ibiganza.

Photo/ urugwiro, internet.

Dore ubutumwa buherutse gutangwa n’ibiro bya Minisitiri w’Intebe w’u Rwanda ku ndwara ya Corona Virus:

Munyaneza Theogene / intyoza.com