Nyuma y’iminsi mike Perezida Donald Trump akangishije abigaragambya babitewe n’umubabaro w’urupfu rw’Umwirabura George Floyd wishwe n’umupolisi w’umuzungu, akababwira ko azohereza abasirikare bakarangiza akazi, kuri uyu wa 03 Kamena 2020, Minisitiri w’Ingabo wa Amerika yatangaje ko nta basirikare bazoherezwa mu mihanda y’iki gihugu.

Mark Esper, Minisitiri w’Ingabo za Leta zunze Ubumwe za Amerika, Mark Esper, yatangaje ko adashyigikiye ikoreshwa ry’ingabo z’iki gihugu mu gikorwa cyo guhagarika imyigaragambyo irimo kuba mu bice bitandukanye by’igihugu.

Mark Esper, yitandukanije na Perezida Trump, aho kwa mbere w’iki cyumweru aherutse gutangaza ko azohereza abasirikare mu mihanda ya Amerika kugarukana umutekano, mu gihe igipolisi n’abategetsi b’ahabera imyigaragambyo bananiwe kubihosha.

Perezida Trump nkuko ijwi rya Amerika dukesha iyi nkuru ryabitangaje, yavuze ko azifashisha itegeko ryo mu 1807 ryatowe n’inteko nshingamategeko, aho rivuga ku kurwanya imyigaragambyo. Azaryifashisha mu kohereze ingabo mu mihanda itandukanye y’ahigaragambiriza abashavujwe n’urupfu rw’uyu mwirabura Floyd wishwe n’umupolisi w’umuzingu.

Munyaneza Theogene / intyoza.com