Raporo ivuga ko muri Leta zunze ubumwe za Amerika habaruwe abantu 549.432 bafite COVID-19 ari bana kugeza ubu, bangana na 10 ku ijana byabanduye.

Raporo nshya y’ishuri ry’Abanyamerika ryita ku bana n’ishyirahamwe ry’ibitaro by’abana, ivuga ko abana bagera kuri 550.000 bo muri Amerika basanzwemo COVID-19 kuva icyorezo cyatangira.

Raporo kandi ivuga ko habaruwe abana bashya 72.993 kuva ku ya 27 Kanama kugeza ku ya 10 Nzeri uyu mwaka, ibyo bikaba byiyongereyeho 15 ku ijana by’abana banduye mu byumweru bibiri.

Raporo yavuze ko muri Leta zunze ubumwe za Amerika habaruwe abana 549.432 bose banduye COVID-19 kugeza ubu, kandi abana bahagarariye 10 ku ijana byabanduye bose. Igipimo rusange ni 729 ku bana 100.000 mu baturage.

Raporo yavuze ko abana bari 0,6 kugeza kuri 3,6 ku ijana by’abashyizwe mu bitaro, naho 0 kugeza 0.3 ku ijana by’impfu zose ziterwa na COVID-19. “Muri iki gihe, bigaragara ko indwara zikomeye zatewe na COVID-19 zidasanzwe mu bana. Icyakora, ibihugu bigomba gukomeza gutanga raporo zirambuye ku cyorezo cya COVID-19.
Source: Xinhua

Inkuru yanditswe na Venuste Habineza