Perezida wa Turukiya, Recep Tayyip Erdogan, yashinjije Leta zunze Ubumwe za Amerika bafatanije mu ishyirahamwe OTAN kuba ishyigikiye iterabwoba. Abivuze nyuma y’urupfu rw’abanyaturukiya 13 bashimutiwe mu majyaruguru ya Iraki. Perezida Erdogan yasuzuguye ijambo ryashyikirijwe na Amerika kuri ubwo bwicanyi, avuga ko ari ukwikurayo(urwiyerurutso).

Mu kuvuga abakora iterabwoba, Perezida Erdogan, yarimo avuga ishyaka ry’abakozi b’abakurde, PKK, yagiriza/ashinja ubwo bwicanyi kandi rimaze imyaka rirwanira mu majyaruguru ashyira uburasirazuba bwa Turukiya.

Perezida Erdogan nkuko VOA ibitangaza, yabivuze hashize umusi umwe, umuvugizi wa Minisiteri y’ububanyi n’amahanga ya Amerika avuze ko aneguye ubwicanyi bwakorewe abasivile ba Turukiya.

Minisitiri w’Ingabo wa Turukiya, Hulusi Akar, na we yavuze ku cyumweru ko iyo mirambo y’abanyagihugu babo yatowe mu ntara ya Gara, iri hafi y’urubibe rwa Turukiya na Iraki.

Munyaneza Theogene / intyoza.com