Amahanga yaba yiteguye kwakira impunzi z’Abanyafuganistani?

Ibihugu byo mu burengerazuba bw’isi bisa n’ibitarimo kwemera gukingurira amarembo impunzi z’abanyefuganistani zirimo guhunga igihugu cyazo hamwe n’izikwiragiye mu gihugu hagati. Ni nyuma y’aho Abatalibani bafatiye ubutegetsi mu buryo bwihuse amahanga atari yiteze.

Canada, yavuze ko ishobora kuzakira abanyefuganistani barenga 20,000 babangamiwe n’Abatalibani ariko nta gihe runaka cyo kubatwara cyatangajwe.

Leta y’Ubwongereza yatangaje ku wa kabiri ko izakira 5,000 uyu mwaka, ku buryo mu myaka itanu bazabasha kwakira abagera ku 20 000. Ubwongereza buvuga ko abo buzakira bazaba bagizwe n’abafashije gusobanura indimi(abasemuzi) bakorana n’ingabo z’icyo gihugu muri Afuganistani.

Leta zunze ubumwe za Amerika yo ivuga ko muri gahunda yayo yongeyeho 8,000 kubo yahoraga yakira, ibihita bishyikana ku 34,500 buri mwaka. Ariko ababikurikiranira hafi bavuga ko iyi program-gahunda itihutishwa.

Mu karere Afuganistani iherereyemo nkuko VOA ibitangaza, Pakistani irimo gukomeza ingamba zikumira impunzi ku rubibe ihana na Afuganistani. Mu kwezi kwa 7 yavuze ko nta zindi mpunzi z’abanyefuganistai izasubira kwakira. Kugeza ubu, Pakistan icumbikiye impunzi zingana na Miliyoni 1 n’ibihumbi 400, nkuko bivugwa na HCR.

Ni mu gihe abanyafuganistani barenga Miliyoni bahungiye mu gihugu hagati mu 2021, na mbere yuko Amerika itangaza ko izatahukana abasirikare bayo.

Munyaneza Theogene / intyoza.com

Umwanditsi

Learn More →