Donald Trump afatiye imbugita ku ijosi rya Demokarasi ya Amerika-Perezida Biden

Perezida wa Leta Zunze Ubumwe za Amerika, Joe Biden, arashinja Donald Trump yasimbuye kuba afatiye imbugita/icyuma ku ijosi rya Demokarasi ya Amerika. Abona uyu nk’uteje ikibazo gikomeye hamwe n’abamushyigikiye.

Ibi byavuzwe na Perezida Biden ni ko kwifatira mu gahanga kwa mbere guhambaye amaze kugirira uyu Trump yasimbuye mu gihe kigera hafi ku mwaka amusimbuye ku butegetsi bw’iki gihugu gifatwa nk’igihangange ku usi.

Ibi, Perezida Biden yabivugiye mu ijambo ryo kwibuka umwaha urangiye habaye ukubahuka ingoro ikoreramo inteko Nshingamategeko umutwe w’Abadepite na Sena bya Amerika, byakozwe n’abashyigikiye Bwana Trump.

Muri iryo jambo nkuko BBC ibitangaza, Perezida Biden yashinje Trump kuba akwirakwiza uruvangitirane rw’ibinyoma akanagerageza guhindura amateka. Yavuze ko kwanga kwa Trump kwemera ko yatsinzwe amatora byateje umugumuko/ukwigaragambya w’abantu bitwaje intwaro.

Perezida Biden, yasabye Abanyamerika kurwanira amategeko n’ubutabera bagashyira gusa imbere inyungu rusange. Bamwe mu bo mu ishyaka ry’aba Republicain ritavuga rumwe na Leta bashinje Perezida Biden kuba yitwaje iyi sabukuru y’umwaka urangiye habaye iyo myigaragambyo, mu gushyira imbere inyungu z’aba-Democrate bari ku butegetsi.

intyoza