Mu gihe hari hashize iminsi hari bamwe mu Banyarwanda bibaza iby’igihe abakingiwe Covid-19 bazabonera Doze ya 2 ari nayo yuzuza urukingo, kuri uyu wa 30 Werurwe 2021 Minisiteri y’Ubuzima yatangaje ko kuwa 02 Mata 2021 hazatangira igikorwa cyo gukingira abafashe urwa mbere.

Muri iri tangazo rya Minisiteri y’ubuzima, bavuga ko mu gutanga uru rukingo buri wese azabona ubutumwa bumuhamagarira kujya gufata uru rukingo mu rwego rwo kwirinda ko abantu bahurira aho rutangirwa ari benshi. Isaba kandi buri wese kutadohoka ku ngamba zo kwirinda iki cyorezo.

Mu itangazo kandi ryanyuze ku rubuga rwa Twitter rw’iyi Minisiteri, bagaragaza ko u Rwanda rwiteguye kwakira izindi nkingo zisaga ibihumbi 500 rwaguze.

Dore itangazo rya Minisiteri y’ubuzima yanyujije kuri Twitter;

Munyaneza Theogene / intyoza.com