Perezida Yoweri Kaguta Museveni wa Uganda yatangaje ko ejo ku wa gatandatu tariki 29 Kanama 2020 ari umunsi Igihugu cyose kizasengera icyorezo cya coronavirus.

Perezida Museveni, yavuze ko yagize iki gitekerezo akivanye ku muturage wa Uganda ufite “ibyo yeretswe n’Imana”.

Mu butumwa yashyize ku mbuga nkoranyambaga, Perezida Museveni yagize ati: “Imana yamweretse ko nkwiye gutegura umunsi w’amasengesho mu gihugu hose, ateguwe neza, kugira ngo Imana idukize Covid-19…”.

Akomeza ati “Ntangaje ko tariki 29/08/2020 ari umunsi w’amasengesho y’Igihugu n’umunsi w’ikiruhuko. Muzagume mu nzu cyangwa mu ngo zanyu, musenge”.

Uganda kugeza ubu nkuko BBC ibitangaza, imaze kugira abantu 2,679 basanzemo coronavirus, 28 muri bo imaze kubica.

Photo/Newz.ug

intyoza.com