Tony Blair wahoze ari Minisitiri w’Intebe w’Ubwongereza avuga ko ingingo ya Leta Zunze Ubumwe za Amerika yo gukura ingabo zayo muri Afghanistan ari iy'”ubucucu”, ibi yabivuze mu ijambo yashyikirije ubwa mbere kuva Kabul yigaruriwe n’aba Taliban mu cyumweru gishize.

Abinyujije ku rubuga rwe nkuko BBC ibitangza, Tony Blair yavuze ko guta Afghanistan n’abanyagihugu bayo “biteye agahinda, ni akaga kandi ntibyari bikenewe“.

Blair ni we wari Minisitiri w’Intebe w’Ubwongereza igihe iki gihugu gitera Afghanistan, kiri kumwe na Amerika mu 2001, inyuma y’ibitero byo ku wa 11 Nzeri 2001. Avuga ko imitwe y’abarwanyi yose yiyitirira idini rya Islam izaryoherwa cyane kubona ingabo mpuzamahanga zivuye muri Afghanistan.

Blair avuga ko ari “nkenerwa ko ingabo z’Ubwongereza ziguma muri Afghanistan “gushyika abo bose bifuza guhunga bavanywe muri icyo gihugu”.

Uyu wahoze ayoboye ishyaka ry’Abakozi (Labour) avuga ati : “Dutegerezwa guhungisha kandi tugaha indaro/Tugacumbikira abo bose dufiteho ububasha, abo banya Afghanistan badufashije kandi twakoranye, kandi bafite uburenganzira bwo gukingirwa/kurindwa”.

Blair, avuga ko ingingo yo kuva muri Afghanistan yatewe n’impamvu za Poritike, akayifata ko yafashwe “hisunzwe icyivugo cya Poritike cy’ubucucu cyo kurangiza ‘intambara zidashira‘” – icyivugo cyakoreshwaga na Perezida Joe Biden wa Amerika mu gihe yari mu kwiyamamaza mu matora.

Amerika ifite umushinga wo kugeza ku wa 31 Kanama 2021 igikorwa cyo kuva ingabo zayo muri Afghanistan, ariko Perezida Biden avuga ko ingabo za Amerika zishobora kuguma muri icyo gihugu inyuma y’icyo gihe kugira ngo zifashe guhungisha abantu.

Munyaneza Theogene / intyoza.com