Ikipe ya Rayon Sports, Nyuma yo gukora amateka atarigeze akorwa n’indi kipe yo mu Rwanda ubwo yavaga mu mikino y’amajonjora y’igikombe cy’amakipe yabaye ayambere iwayo-CAF, yongeye kwandika amateka kuri uyu wa gatatu tariki 29 Kanama 2018 ubwo yinjiraga muri 1/4 cy’iyi mikino. 

Ikipe ya Rayon Sports ikina mu kiciro cya mbere mu Rwanda, ikoze amateka bwa mbere mu Rwanda ubwo yatsindiraga itike yo kwinjira muri 1/4 cy’imikino nyafurika y’amakipe yabaye ayambere iwayo-CAF.

Iki gikorwa cy’indashyikirwa, ikipe ya Rayon Sports ikigezeho itsinze igitego kimwe ku busa bw’ikipe ya Yanga Africans ikina mu kiciro cya mbere mu gihugu cya Tanzaniya. Igitego gihesheje intsinzi ikipe itazwirwa ko ari iy’Imana cyatsinzwe na Bimenyimana Bonfls Caleb.

Ikipe ya Rayon Sports, izamutse mu itsinda ari iya kabiri n’amanota 9 mu gihe ikipe ya US Alger ariyo iri ku mwanya wa mbere n’amanota 11.

Munyaneza Theogene / intyoza.com