Umukino wa Shampiyona y’Ubwongereza( Premier League) wahuje ikipe ya Man. City na Chelsia mu ijoro ry’uyu wa 25 Kamena 2020 warangiye ari ibitego 2 bya Chelsia kuri 1 cya Man.City. Ibi byahise bihesha Leverpool igikombe yaherukaga mu myaka 30 ishize.

Iki gikombe Liverpool yaraye yegukanye bitewe na Man. City yananiwe gutsinda iyo byari bihanganye, kibaye icya 19 kinjiye mu bubiko bwayo, ariko kandi kikaba icya mbere kuva mu 1990.

Nubwo muri ibi bihe mu Bwongereza Leta yashyizeho ingamba zo kwirinda icyorezo cya Coronavirus, aho zimwe muri zo harimo ukudateranira hamwe kw’abantu benshi, abafana ba Liverpool byabananiye kwihangana maze barenga kuri izi ngamba ubwo ikipe yabo yatwaraga iki gikombe, bahise bajya muri Sitade yabo kubyina intsinzi.

Ikipe ya Liverpool, itwaye iki gikombe ku manota 86 mu gihe iyikurikiye iyirusha amanota 23. Ni agahigo iciye kuko bitigeze biba muri shampiyona y’iki gihugu ko ikipe itwara igikombe irusha iyikurikiye amanota angana atyo. Itwaye iki gikombe kandi mu gihe habura imikino 7 ngo Shampiyona isozwe. Mu gihugu cy’Ubwongereza ikipe ya Liverpool niyo ya mbere, ikaba inayoboye izindi ku mugabane w’Uburayi bitewe n’uko ariyo yatwaye Champions League iheruka mu kwezi kwa Kamena 2019. Iyi kipe kandi ni nayo ya mbere ku Isi nyuma y’Igikombe cy’amakipe akomeye yatwaye mu mpera z’umwaka ushize wa 2019.

Munyaneza Theogene / intyoza.com