Abantu bitwaje ibirwanisho bateye gereza iri mu burasirazuba bwa Afuganistani kuri iki cyumweru tariki ya 02 Kanama 2020, bica abantu bagera kuri batatu mu gihe igihugu cyari mu gahenge k’intambara muri ibi bihe abayisilamu bari muri Eid al-Adha.

Umuvugizi wa Guverineri w’Intara ya Nangarhar yavuze ko abo bitwaje ibirwanisho babanje guturitsa igisasu gitezwe mu modokari hafi y’iyo gereza mbere yo gutangira kurasa amasasu muri gereza iri ahitwa Attaullah Khogyani.

Minisitiri w’umutekano mu gihugu yemeje iby’aya makuru y’iki gitero.

Abatalibani nkuko ijwi rya Amerika ribitangaza, bahakanye kugira uruhare muri icyo gitero cyabaye ku munsi wa nyuma w’agahenge ku guhagarika intambara hagati y’Abatalibani na Leta kugira ngo bahimbaze umusi mukuru wa Eid al-Adha.

Munyaneza Theogene / intyoza.com