Perezida wa Leta Zunze Ubumwe z’Amerika, Donald Trump, yajyanywe n’indege ya kajugujugu mu bitaro Arimo guhinda umuriro nyuma yuko asanzwemo coronavirus.

Amakuru aturuka mu Biro by’Umukuru w’Igihugu muri Amerika, White House, avuga ko perezida Trump yajyanwe mu bitaro nk’uburyo bwo kwigengesera gusa ngo nubwo ananiwe cyane ariko afite akanyamuneza.

BBC dukesha iyi nkuru yatangaje ko Trump yatewe urushinge rw’umuti w’imvange ukiri mu igeragezwa nyuma yuko we n’umugore we Melania Trump babasanzemo Covid-19.

BBC kandi yavuze ko Bishobora kumuviramo n’ikibazo mu matora asigaje ukwezi kumwe ngo abe, kuko n’ubundi yari asanzwe arushwa amahirwe yo gutorwa na Joe Biden bahatanye wo mu ishyaka ry’abademokarate, nkuko imibare y’amakusanyabitekerezo ibigaragaza.

Perezida Donald Trump yajyanywe mu ndege ya kajugujugu izwi nka Marine One, aho yahise ajyanwa mu bitaro bya gisirikare biri hafi y’ibiro bye ahitwa Walter Reed National Military Medical Center, mu nkengero ya Washington DC

Inkuru yanditswe na Venuste Habineza