Bobi Wine yongeye kwanga intsinzi ya Perezida Museveni, asohora ikirego

Umwe mu bari bahanganye cyane na Perezida Yoweli Kaguta Museveni mu matora y’umukuru w’Igihugu aheruka muri Uganda, Bobi Wine yasokoye ikirego cye mu rukiko cyo kwanga intsinzi ya Perezida Yowei Museveni mu matora yabaye mu kwezi kwa mbere.

Uyu muririmbyi waje kwijira muri Politiki akaba asanzwe amazina ye ari Robert Kyagulanyi, avuga ko abacamanza banze kwakira ibindi byemezo yabashyikirije byo kugaragaraza inenge zabaye mu byavuye muri ayo matora.

Avuga ko ishyaka rye rifite amashusho/ vídeo yerekana uburyo isannduku zujujwe amajwi bikozwe n’abasirikare mu bice bimwe bimwe, aho batoreye ku mpapuro zamaze kwuzuzwa ahashyirwa ikimenyetso cy’uwo batoye.

Mu bibanza bimwe na bimwe by’amatora, ibyayavuyemo byerekanye ko hatoye ijana kw’ijana y’abiyandikishije, ibyo abo kwa Bobi Wine bakavuga ko bidashoboka.

Uwo muririmbyi yabaye umunyeporitike, avuga ko ubu urubanza arujyanye mu” rukiko rw’icyo abanyagihugu bibaza”, akoresheje uburyo butari ubwo gutera intureka/impagarara.

Imibare y’ibyavuye mu ibarura ry’amajwi byashizwe ahagaragara Byerekana ko Bobi Wine yatsinzwe amatora ku majwi arenga gato 34 kw’ijana, mu gihe uwari asanzwe Ayoboye igihugu Yoweri Museveni amaze imyaka irenga 30 ari ku butegetsi.

Bobi Wine yamaze icyumweru kirenga afungiwe mu rugo iwe kuva amatora arangiye, nyuma yo kwiyamamaza, aho yaranzwe n’urugomo ndetse no n’ugufatwa kw’abatavuga rumwe n’ubutegetsi.

Munyaneza Theogene / intyoza.com

Umwanditsi

Learn More →