• Kigali, Rwanda
  • +250 123 456 789
Facebook Twitter Youtube

INTYOZA

  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga
  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga
Agezweho
09/05/25
Kamonyi-Runda: Polisi yataye muri yombi abasore 2 yafatanye ibiyobyabwenge
09/05/25
Kamonyi-Rukoma: Ntabwo tuzihanganira abantu b’Ingarisi batagira icyo bakora baza kwiba abaturage-DPC Furaha
09/05/25
Kamonyi-Musambira/Kwibuka31: Twahisemo kuba umwe, kureba kure ndetse no gufatanya-Visi Meya Uzziel Niyongira
09/05/25
Kamonyi: Abikorera/PSF bibutse bagenzi babo bishwe muri Jenoside yakorewe Abatutsi banaremera Intwaza

Kamonyi: Abarokotse Jenoside yakorewe Abatutsi mu 1994 ku Mugina bakoze isuku ku Rwibutso baganira byinshi

Umwanditsi
March 11, 2018

Komite ishinzwe gutegura Kwibuka mu Murenge wa Mugina na Nyamiyaga, ifatanije n’ubuyobozi bwa Ibuka mu Karere n’Umurenge hamwe n’abandi baba Kigali na Kamonyi, kuri uyu wa 10 Werurwe 2018 bahuriye ku rwibutso rushyinguyemo inzirakarengane za Jenoside yakorewe Abatutsi mu 1994 bakora isuku. Banaganiriye ku gikorwa cyo Kwibuka ku nshuro ya 24 giteganijwe mu minsi mike isigaye.

Mudahinyuka Edouard, akuriye Komite ishinzwe gutegura Kwibuka Jenoside yakorewe Abatutsi mu Murenge wa Mugina na Nyamiyaga, yabwiye intyoza.com ko igikorwa cyo kuza gukora isuku ku rwibutso rubitse amateka y’Ababyeyi, Abavandimwe n’inshuti ari igikorwa gikwiye kandi kiba cyateguwe, uretse no kuba igihe cyo Kwibuka cyegereje, abagiye ngo bagomba kuba ahantu harangwa n’isuku.

Yagize kandi ati ” Abo mu Murenge wa Mugina na Nyamiyaga twibona kuri uru rwibutso, bamwe nti tuba tuhaheruka, yego tuziko haba hameze neza ariko igikomeye kwari no guhura n’abanyamuryango ba Mugina na Nyamiyaga, tugahurira ku rwibutso tukajya mu mwuka wo gutegura Kwibuka ku Nshuro ya 24. Twabihaye umurongo, ibizakorwa turabitekereza.”

Mudahinyuka, avuga ko icyo nka Komite basaba muri rusange ari ukwitabira ku bwinshi igikorwa cyo Kwibuka ku nshuro ya 24 , kugira uruhare mu bikorwa byose byo kwibuka. By’umwihariko, abarokotse ngo barasabwa kuzamura abafite intege nke, cyane ko ngo buri mwaka bagira umuntu umwe utishoboye baremera, bakamuha Inka cyangwa inzu. Uwo baremera ngo biterwa n’icyo babona akennye, ariko akenshi ngo bakibanda ku nzu.”

Numukobwa Madeleine, umwe mubitabiriye igikorwa cyo gukora isuku ku rwibutso rwa Mugina yabwiye intyoza.com ati ” Igikorwa cy’isuku dukoze kidusigiye ishusho y’uko tuba twaje kwibuka abacu, tuba twaje kuganira nabo, iyo tuhahuriye na bagenzi bacu turishima, niyo dutashye tugenda twumva ko twari kumwe n’abavandimwe bo hirya no hino bigatuma imitima yacu idakomeza gusabagira cyane.”

Imbere mu rwibutso, ahashyinguwe imibiri isaga ibihumbi 50.

Pricille Mukabaranga, ahagarariye Ibuka mu Murenge wa Mugina, agira ati ” Abacu bagomba kuba ahantu hasukuye, ni ibyo tubagomba. Natwe biraturuhura mu mitima yacu. Ni byiza no guhurira aho abacu baruhukiye, tukahaganirira, tukungurana inama n’ibitekerezo.”

Paciphique Murenzi, Perezida wa Ibuka mu Karere ka Kamonyi witabiriye iki gikorwa yabwiye intyoza.com ko iki gikorwa ari ngaruka mwaka, ko kandi gifasha kuganira no kungurana ibitekerezo kuri byinshi biba bigomba gukorwa mu rwego rwo gukomezanya no guha icyubahiro ababyeyi, inshuti n’abavandimwe bishwe bazira Jenoside yakorewe Abatutsi mu 1994.

Gitifu w’Umurenge wa Mugina aganira n’abitabiriye iki gikorwa.

Kimwe mu bibazo byagarutsweho muri uku kuganira no kungurana ibitekerezo ndetse hagasabwa ko cyashakirwa umuti byihuse, ni ikibazo cyo kuba uru rwibutso nta mazi rufite kandi aho agomba kuva atari kure. Ibi ngo ni inzitizi ikomeye ku bakora isuku cyane ko ngo usanga akenshi abayikora ari abakecuru n’aba Mama batagifite imbaraga zo gukura amazi muri metero zigera hafi mu ijana kandi nabwo ngo ari ukuyasaba.

Urwibutso rwa Mugina rubitse imibiri y’inzirakarengane za Jenoside yakorewe abatutsi isaga ibihumbi 50. Mu gikorwa cyo kwibuka ku nshuro ya 24 ngo hari indi mibiri yabonetse izashyingurwa mu cyubahiro. Hifujwe kandi ko igikorwa cyo kwibuka abishwe bakajugunywa mu ruzi rw’akanyaru kitari bwigere gikorwa uyu mwaka kizakorwa.

Munyaneza Theogene / intyoza.com

Share Article

Follow Me Written By

Umwanditsi

Shakisha
Izasomwe cyane
Kamonyi-Runda: Umugabo ukekwaho kwica umugore we amuteye icyuma yatawe muri yombi
Umwanditsi
November 27, 2024
Kamonyi-Musambira: Gitifu yakijijwe n’amaguru ahunga RIB agarurwa n’abaturage
Umwanditsi
October 15, 2024
Kamonyi-Nyamiyaga: Umurezi mu kigo cy’Ishuri araye mu maboko atari aye kubera umwana w’umukobwa w’imyaka 14-15
Umwanditsi
October 17, 2024
Ibyiciro

Amakuru

5795 Posts

Politiki

4046 Posts

Ubuhinzi

145 Posts

Ubukungu

992 Posts

Imyidagaduro

79 Posts

Imikino

138 Posts
Facebook Pinterest Twitter Youtube
  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga

Intyoza.com itangaza amakuru yanyu mungingo zinyuranye z'ibibera ku isi no mukirere. Byaba ari ibyiza byubaka ndetse nibibi byo kwibazaho nko mu Bukungu, Politiki, Ikoranabuhanga, Umuco, Ubuzima, n'ibindi byinshi. Mutwandikire, mwinigure, mutugezeho ibitekerezo byanyu cyangwa izindi nkuru mwifuza kugeza kubandi.

© 2022, All Rights Reserved.

  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga