Umuryango w’umwe mu bagizi ba nabi bacuruza abimukira yishwe muri Libiya. Ba nyiri uyu wishwe, bateye mu mujyi wa Mizdah mu bisa no kwihimura/kwihorera ku wabo wishwe, bica abimukira 26 b’Abanyabangaradeshe hamwe n’Abanyafurika bane nkuko Leta y’iki gihugu yabitangaje kuri uyu wa Kane Tariki 28 Gicurasi 2020.

Ishyirahamwe mpuzamahanga ryita ku bimukira, rimenyesha ka abo bantu bishwe barashwe ku musi wa gatatu tariki 27 Gicurasi 2020 aho abimukira bahurizwa mu mujyi wa Mizdah.

Iyicwa ry’aba bimukira, ryerekana ibibazo n’ingorane bacamo muri iki gihugu cya Libiya, aho imihangayiko, ubwicanyi n’akajagari byatumye udutsiko tw’abagizi ba nabi bakora ubucuruzi bw’abantu kibazo.

Leta y’iki Gihugu cya Libiya, nkuko ijwi rya Amerika ribitangaza, ivuga ko bari bishe umwe mu babacuruza mu mujyi wa Mizdah hafi y’umurwa mukuru Tripoli. Ibyo bigaragaza ko byatumye umuryango w’uwishwe ukora igikorwa cyo kwihorera wica aba bimukira 30, mu gihe abandi 11 bakomerekeya muri ubwo bwicanyi.

intyoza.com