Inama ya Komite Nyobozi ya FERWAFA yateranye ku italiki 4 Nzeri 2020 yafashe umwanzuro ku ikoreshwa ry’inkunga igenewe umupira w’abagore itangwa n’ishyirahamwe mpuzamahanga ry’umupira w’amaguru ku isi (FIFA). Imyanzuro yafashwe, yatangajwe kuri uyu wa 21 Nzeri 2020.

Iyi nkunga ya ’’FIFA WOMEN FOOTBALL GRANT’’ igenewe amakipe yo mu kiciro cya mbere n’icya kabiri mu bagore, izakoreshwa mu bikorwa bikurikira:

• Ingengo y’imari izakoreshwa ku ikipe y’Igihugu nkuru y’Abagore: Rwf 50,000,000
• Ingengo y’imari izakoreshwa ku ikipe z’Igihugu z’abakobwa z’abato: Rwf 50,000,000
• Gutera inkunga amakipe y’abagore yo mu kiciro cya 1 n’icya 2: Rwf 151,000,000
• Ingengo y’imari izakoreshwa mu marushanwa y’abana b’abakobwa (Girls competitions): Rwf 38,090,000
• Ingengo y’imari izakoreshwa mu bijyanye n’amahugurwa y’abatoza b’abagore: Rwf 23,950,000
• Ingengo y’imari izakoreshwa mu gukomeza guteza imbere abasifuzi b’abagore: Rwf 9,000,000
• Ingengo y’imari izakoreshwa mu gutegura gahunda yo kugera ku iterambere rirambye ry’umupira w’abagore mu Rwanda: Rwf 10,000,000
• Ingengo y’imari izakoreshwa mu gutanga inkunga y’ibikoresho by’umupira w’amaguru ku makipe y’abagore n’ay’abana b’abakobwa (imipira yo gukina,): Rwf 50,915,000
• Ingengo y’imari izakoreshwa mu gutangiza amashuri ane (4) y’ikitegererezo y’abana b’abakobwa : Rwf 84,000,000

Andi makuru arambuye ajyanye n’uburyo aya mafaranga azakoreshwa n’uburyo azatangirwa raporo bizatangazwa mu gihe kiri imbere.

Iyi ngengo y’imari yose ikaba ari amafaranga y’u Rwanda 466,955,000 angana n’ibihumbi magana atanu by’amadolari ya Amerika (500,000 USD).
Source:Ferwafa

Inkuru yanditswe na Venuste Habineza