Abasirikare 3 bo ku rwego rw’aba Jenerali bishwe na Covid-19 muri Sudan y’Epfo

Igisirikare cya Sudan y’Epfo catangaje urupfu rw’aba jenerari batatu bahitwanywe na Covid-19. Cyavuze ko abo batatu ari David Manyot Barach, Elijah Alier Ayom na Mabior Maket.

Imihango yo gushyingura aba ba Jenerari, izategurwa n’itsinda rizafatanya n’imiryango yabo nkuko bitangazwa n’igisirikare.

Umukuru w’ingabo Gen Johnson Juma Okot yahamagariye abasirikare bose kubahiriza ingamba zo kwirinda Covid-19, ku bw’umuvugizi wa gisirikare Brig Gen Santo Domic Chol.

Muri ibi byumweru bibiri bishize, abanyabwenge babiri bakomeye bo muri kaminuza ya Juba bahitanywe na Covid-19, bituma imibare y’abo imaze guhitana igera kuri 95.

Muri rusange, muri Sudan y’Epfo gushyika ubu harabarurwa abantu 8.144 bamaze kwandura iki cyorezo.

Mu kwezi gushize nkuko BBC ibitangaza, abantu 27 bakora mu biro by’umukuru w’igihugu Salva Kiir harimo n’abamucungira umutekano babasanzemo Covid-19.

Minisiteri y’Ubuzima hamwe n’ishami rya ONU ryita ku buzima (OMS/WHO), bavuga ko Sudan y’Epfo ihanganye n’ukwiyongera kw’abandura kubera ukutubahiriza ingamba zo kwirinda nko kutegerana cyane no kwambara agafukamunwa.

Munyaneza Theogene / intyoza.com