Dr Congo: Uhagarariye ubutaliyani yishwe arashwe

Ambasaderi w’Ubutaliyani muri Repubulika ya Demokarasi ya Congo-DRC yiciwe mu gitero hafi y’umujyi wa Goma, nk’uko byemejwe na minisiteri y’ububanyi n’amahanga y’iki gihugu.

Luca Attanasio yapfiriye mu bitaro azize ibikomere nyuma y’uko imodoka yari arimo irashwe n’abantu bitwaje intwaro ku wa mbere. Imodoka yari arimo bivugwa ko ari iy’ishami ry’umuryango w’abibumbye ryita ku buzima PAM.

Umupolisi w’umutaliyani wari kumwe na ambasaderi hamwe n’undi muntu wa gatatu utaramenyekana neza, nabo bapfuye nk’uko bivugwa.

Federico D’Incà minisitiri w’Ubutaliyani ushinzwe imikoranire n’inteko ishingamategeko yatangaje ko “leta y’Ubutaliyani iri gushyira imbaraga mu kumenya ukuri” kuri uru rupfu.

Itangazo rya minisiteri y’ububanyi n’amahanga y’Ubutaliyani nkuko BBC ibitangaza, rivuga ko “ari akababaro kenshi kumenya urupfu rwa ambasaderi w’Ubutaliyani i Goma”.

Munyaneza Theogene / intyoza.com