Abanyamakuru bari bagizwe imbohe barekuwe ari bazima

Mu gihugu cya Kolombiya, Abanyamakuru bari bagizwe imbohe n’abarwanya ubutegetsi bararekuwe basubira mu miryango yabo.

Abanyamakuru batatu muri Kolombiya, bari bagizwe imbohe n’abarwanya ubutegetsi bwa Colombiya kuwa gatandatu w’icyumweru gishize babohowe kuri uyu wa Gatanu.

Umwe muri aba banyamakuru ukomoka muri iki gihugu witwa Salud Hernandez-Mora, nkuko tubikesha ijwi rya America, ngo yafatiwe ahitwa Catatumbo, yafashwe n’abarwanya ubutegetsi bitwa National liberation Army.

Uyu Hernandez, ngo yafashwe azira kwandika inkuru ku mitwe y’abarwanyi ihinga ibiyobyabwenge byo mu bwoko bwa Kokayine bakayigurisha muri Venezuela kugira ngo babone amafaranga bakoresha barwana.

Hernandez, ngo ni umunyamakuru w’ikinyamakuru cyo muri Espagne cyitwa El Mundo hamwe n’ibindi binyamakuru byo muri iki gihugu cya Kolombiya.

Abanyamakuru bandi babiri aribo Diego d’Pablo na Carlos Melo, bafashwe ngo bazira kuba baratangaje ko uyu mugenzi wabo Hernandez-Mora yafashwe, barekuwe nyuma y’amasaha make mugenzi wabo Hernandez-Mora arekuwe.

Intyoza.com

 

 

Umwanditsi

Learn More →