Imfungwa 400 zahawe imbabazi mu gihugu cya Mali kubera icyorezo cya Covid-19

Perezida w’Igihugu cya Mali, Ibrahim Boubacar Keïta yatanze imbabazi ku mfungwa 400 mu rwego rwo kugabanya ikwirakwira rya Coronavirus, nkuko ibiro by’umukuru w’igihugu byabitangaje kuri uyu wa kabiri tariki 19 Gicurasi 2020.

Minisitiri w’Ubutabera mu gihugu cya Mali, Malick Coulibaly yatangaje ko abahawe imbabazi bari ku rutonde rw’abagombye kuba bazarekurwa mu kwezi kwa mbere 2021, mu rwego rwo kugabanya ubwinshi bw’imfungwa mu magereza.

Iyi ngingo yo guha imbabazi izi mfungwa, ije ikurikiye iy’abandi bakuru b’ibihugu nka Burkina Faso, Etiyopiya, Nijeri na Afrika y’epfo batangaje nabo irekurwa ry’imfungwa kubera icyorezo cya Covid-19.

Nkuko ijwi rya Amerika dukesha iyi nkuru ribivuga, Igihugu cya Mali kugeza ubu, kimaze kugira abantu banduye Coronavirus 1500, hakaba n’abantu 53 bamaze guhitanwa n’iki cyorezo.

intyoza.com

Umwanditsi

Learn More →