Mu gihe Shampiyona y’umupira w’amaguru mu gihugu cy’u Butaliyani yarimaze amezi ane yarahagaze, ikaba isubukurwa kuri uyu wa 20 Kamena 2020, iki gihugu cyatangaje ko akato ku mukinnyi uzakekwaho Covid-19 kazaba iminsi 10 aho kuba 14, ibi bikajyana n’uko mu gihe agaragaye ari umwe mu ikipe ariwe gusa uzagashyirwamo aho kuba ikipe yose.

Leta y’u Butaliyani, yatanze ingero ivuga ko niba hari umukinnyi upimwe bakamusangamo Covid-19, atazamara iminsi 14 mu kato ahubwo azakamaramo iminsi 10 mu gihe ikipe yose ya bagenzi be itazagashyirwamo, ahubwo hazajya hapimwa buri mukinnyi mbere ya buri mukino bagiye gukina ndetse hanakorwe ibizamini ku buyobozi bwa ekipe yose kugira ngo harebwe uko bahagaze.

Mu isibukurwa rya Shampiyona y’u Butaliyani, kuri uyu wa gatandatu, ikipe ya Torino na Parma baracakirana ku I saa munani n’igice mu gihe ku I saa tatu z’ijoro ikipe ya Cagliari yesurane na Verona.

Munyaneza Theogene / intyoza.com