• Kigali, Rwanda
  • +250 123 456 789
Facebook Twitter Youtube

INTYOZA

  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga
  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga
Agezweho
09/05/25
Kamonyi-Runda: Polisi yataye muri yombi abasore 2 yafatanye ibiyobyabwenge
09/05/25
Kamonyi-Rukoma: Ntabwo tuzihanganira abantu b’Ingarisi batagira icyo bakora baza kwiba abaturage-DPC Furaha
09/05/25
Kamonyi-Musambira/Kwibuka31: Twahisemo kuba umwe, kureba kure ndetse no gufatanya-Visi Meya Uzziel Niyongira
09/05/25
Kamonyi: Abikorera/PSF bibutse bagenzi babo bishwe muri Jenoside yakorewe Abatutsi banaremera Intwaza

Kwibuka 24: IPRC/Karongi bibutse abari abakozi n’abanyeshuri mu cyahoze kitwa EAV/Nyamishaba

Umwanditsi
April 29, 2018

Ubuyobozi bwa IPRC/Karongi na Ibuka mu karere ka Karongi bakoze urugendo rwo kwibuka abari abakozi n’abanyeshuri mu kigo cyahoze kitwa EAVE/Nyamishaba bishwe muri Jenoside yakorewe abatutsi mu 1994. Uru rugendo kandi rwanaranzwe no gushyira indabo mu Kiyaga cya Kivu aho abatari bacye bajugunywe nyuma yo kwicwa urw’agashinyaguro.

Haba mu Rwanda no hanze yarwo, igikorwa cyo kwibuka Jenoside yakorewe abatutsi mu 1994 kirakomeje mu gihe cy’iminsi 100. Kuri uyu wa 25 Mata 2018,  Ubuyobozi bwa IPRC/Karongi na Ibuka muri aka karere bakoze urugendo rwo kwibuka, bashyira indabo mu kiyaga cya Kivu mu rwego rwo kwibuka no kuzirikana abakozi n’abanyeshuri biciwe mu kigo cyahoze kitwa EAVE /NYAMISHABA aho abatari bake bajugunywe muri iki kiyaga cya Kivu.

Uku kwibuka izi nzirakarengane, byari bisanzwe bikorerwa mu kigo cya IPRC/Karongi. Biturutse ku busabe bw’abarokotse Jenoside yakorewe Abatutsi mu 1994 aha i Nyamishaba; ubuyobozi bwa IPRC/Karongi na Ibuka bwanzuye ko kwibuka bizajya bikorerwa i Nyamishaba biturutse na none ku mateka yaho yihariye.

MUKAGASANA Esther, yatanze ubuhamya bw’ inzira y’umusaraba yanyuzemo, ashimira abagize uruhare bose mu kugirango uyu munsi wo kwibuka ubere i Nyamishaba kuko hari amateka yihariye.

Mu buhamya bwe, Mukagasana yasabye akomeje ko ibimenyetso by’amateka y’aho byashyirwaho ku buryo yaba igitabo kiharambitse, yaba mize, yaba urwibutso cyangwa se ikintu cyose kiranga amateka ya Jenoside yakorewe abatutsi b’i Nyamishaba byashyirwa aho bigakomeza kuba ikimenyetso kitazibagirana cy’aya mateka.

GATABAZI Pascal, Umuyobozi wa IPRC/Karongi atanga ikaze ku bashyitsi baje kwifatanya nabo yagize ati” Urubyiruko rwacu nirukure ruzi amateka yacu uko yaba ameze kose, Twubake u Rwanda twifuza. u Rwanda twifuza ni urufite abanyarwanda bazima.”

Gatabazi, yakomeje agira ati” Ubumwe bw’Abanyarwanda niwo musingi w’ibyo dukora byose kandi kwibuka abatutsi biciwe i Nyamishaba ni ukubaha agaciro nyako kandi bigatuma n’amateka yaho adasibangana.”

Alphonse Munyantwali, Guverineri w’intara y’Uburengerazuba witabiriye uyu muhango, yijeje ubufatanye mu kubungabunga ibimenyetso bya Jenoside yakorewe abatutsi hifashishijwe ikoranabuhanga ndetse anashimira Ibuka na IPRC/Karongi ubufatanye bagize bategura uyu munsi wo kwibuka abatutsi biciwe i Nyamishaba.

Guverineri Munyantwali, muri uyu muhango wo kwibuka yagaragaje kandi ko ubwinshi bw’abajugunywe mu kiyaga cya Kivu i Nyamishaba biri mubihagira ahihariye ku mateka ya Jenocide yakorewe abatutsi mu ntara y’Uburengerazuba.

Prosper Gasana

Share Article

Follow Me Written By

Umwanditsi

3 Comments

  1. la toute says:
    May 1, 2018 at 6:15 am

    Mubo nibuka bari abanyeshuri ba EAFO Nyamishaba bazize uko bavutse harimo..
    MUSANABAGANWA Angelique w i Nyagatare. Impanga yawe twavanye muri EFA Nyagahanga duhunga itotezwa irakwibuka cyane.
    Turibuka Mukaruzima Rozine w i Remera wakundaga radio Muhabura n inkotanyi cyane mbabazwa nuko wambuwe ubuzima utazibonye.
    Turibuka ITANGISHAKA Ignace wa Nyabidahe umusore muremure wishwe wagiye kwiyandikisha kuziga muri Université ya Nyakinama..

    Turakwibuka directeur Gatete JB waharasinzwe cyane ubeshyerwa ngo wigisha urubyiruko rw abatutsi rwo muri EAFO imbunda ukicwa rubi utabonye inkotanyi…
    Turacyabunamiye. Kdi ntimuzazima mu mitima yacu.

  2. la toute says:
    May 1, 2018 at 6:19 am

    Turibuka mwarimu Musonera wari prefet des etudes w i Butare.
    Impuhwe wagaragarizaga abo ushinzwe utavangura ntituzakwibagirwa.

  3. la toute says:
    May 1, 2018 at 6:26 am

    Turibuka mwarimu Musonera wari prefet des etudes w i Butare.
    Impuhwe wagaragarizaga abo ushinzwe utavangura ntituzakwibagirwa.

    Yoo nibutse disi akana Twitaga Maradona ko ku ijuru rya Kamonyi wahoraga iteka ufite impungenge z uburyo birushaho kuba bibi kuva 1992…
    Aho uri ijabiro turagutashya.

Comments are closed.

Shakisha
Izasomwe cyane
Kamonyi-Runda: Umugabo ukekwaho kwica umugore we amuteye icyuma yatawe muri yombi
Umwanditsi
November 27, 2024
Kamonyi-Musambira: Gitifu yakijijwe n’amaguru ahunga RIB agarurwa n’abaturage
Umwanditsi
October 15, 2024
Kamonyi-Nyamiyaga: Umurezi mu kigo cy’Ishuri araye mu maboko atari aye kubera umwana w’umukobwa w’imyaka 14-15
Umwanditsi
October 17, 2024
Ibyiciro

Amakuru

5795 Posts

Politiki

4046 Posts

Ubuhinzi

145 Posts

Ubukungu

992 Posts

Imyidagaduro

79 Posts

Imikino

138 Posts
Facebook Pinterest Twitter Youtube
  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga

Intyoza.com itangaza amakuru yanyu mungingo zinyuranye z'ibibera ku isi no mukirere. Byaba ari ibyiza byubaka ndetse nibibi byo kwibazaho nko mu Bukungu, Politiki, Ikoranabuhanga, Umuco, Ubuzima, n'ibindi byinshi. Mutwandikire, mwinigure, mutugezeho ibitekerezo byanyu cyangwa izindi nkuru mwifuza kugeza kubandi.

© 2022, All Rights Reserved.

  • Amakuru
  • Imyidagaduro
  • Imikino
  • Politiki
  • Ubukungu
  • Ubuhinzi
  • Ubuzima
  • Urukundo
  • Ibindi
    • Ubukerarugendo
    • Ikoranabuhanga