Covid-19: Abana b’imyaka hagati ya 12-15 bemerewe guterwa urukingo rwa Pfizer-BioNTech

Ikigo cya Amerika gishinzwe kugenzura ibiribwa n’imiti-FDA, kuri uyu wa mbere cyatanze uburenganzira ku rukingo rwa Covid-19 rwa Pfizer-BioNTech ku bana bari hagati y’imyaka 12 na 15.

Ikigo cya FDA kivuga ko ari intambwe ihambaye mu kurwanya icyo cyorezo no kugaruka mu buzima busanzwe muri Leta zunze ubumwe za Amerika.

FDA yaherukaga gutanga uburenganzira bwo kuba abana bafite imyaka 16 kuzamura bashobora guhabwa uru rukingo rwa Pfizer-BioNTech.

Ikigo cya Amerika gishinzwe kugenzura no kurinda indwara, CDC, cyavuze ko abantu bangana na Miliyoni imwe n’ibihumbi 500 bari hagati y’imyaka 11 na 17 banduye icyo cyorezo hagati y’itariki 1 y’ukwezi kwa gatatu, 2020 n’itariki 30 y’ukwezi kwa kane, 2021.

Munyaneza Theogene / intyoza.com