Impunzi zishwe n’umuriro wadutse mu nkambi yazo muri Bangladesh

Umuriro w’inkazi wadutse mu kambi y’impunzi z’aba Rohingya mu majyepfo ya Bangladesh kuri uyu wa mbere, utwika inzu ibihumbi kandi wica abantu batari bake. Ibi byatangajwe n’abategetsi hamwe n’ababyiboneye.

Mohammed Shamsud Douza, wungirije umutegetsi wa Leta ushinzwe impunzi, yavuze ko abategetsi barimo bagerageza kuzimya uwo muriro.

Impunzi z’aba Rohingya muri izo kambi zavuze ko amazu menshi yahiye kandi n’abantu batari bake bapfuye, ariko baba abategetsi cyangwa HCR ntawatangaje umubare w’abapfuye. Icyateye uwo muriro ntikiramenyekana.

Impunzi z’aba Rohingya nkuko VOA ibitangaza, nizo ziba mu makambi mu majyepfo ya Bangladesh, benshi bahunze ubutegetsi bw’igitugu bwa gisirikare muri Myanmar mu 2017.

Munyaneza Theogene / intyoza.com

Leave a Reply

Your email address will not be published. Required fields are marked *