Itariki yo kuburana kwa Khalid Sheikh Mohammad ukekwaho kuba ariwe wacuze umugambi w’ibitero byo kuwa 11 Nzeri 2001 byashegeshe Amerika yatangajwe.

Khalid Sheikh Mohammad, kimwe n’abandi bagabo bane baregwa mu rubanza rumwe, azaburanishirizwa mu rukiko rwa Gisirikare I Guantanamo Bay kuwa 11 Mutarama 2021.

Aba bagabo, baregwa ibyaha by’intambara birimo iterabwoba ndetse no kwica abantu hafi 3,000. Nyuma y’imyaka hafi 20 ibi bitero bibaye, uko ari batanu nibo bambere bazaba baburanishijwe ku ruhare bakekwaho muri ibi bitero byagabwe ndetse bigashegesha imijyi ya New York, Washington na Pennsylvania.

Mu gihe aba bagabo bahamwa n’ibyaha bakurikiranweho, nkuko BBC dukesha iyi nkuru ibivuga bahanishwa igihano cyo kwicwa.

Khalid Sheikh Mohammad, yafatiwe mu gihugu cya Pakisitani mu mwaka wa 2003 yoherezwa muri Gereza ya Amerika iri I Guantanamo ho mu gihugu cya Cuba, aho nyuma yamenyeshejwe ibyaha akurikiranyweho.

Munyaneza Theogene / intyoza.com